Антоон Мостэрт Монгол Судлалын Төвийн “Оюутан судлаач” тэтгэлэгт хөтөлбөрт хамрагдаж, хэл шинжлэлийн чиглэлээр судалгаа хийж байгаа оюутнууд 2026 оны 4 дүгээр сарын 15-ны лхагва гарагт судалгааны ажлын ерөнхий тайлангаа хэлэлцүүллээ.
Тус тайлангийн хуралд 2019-2021 оны хичээлийн жилийн “Оюутан судлаач” тэтгэлэгт хөтөлбөрт хамрагдаж, судалгааны ажлаа хийж байсан, өдгөө ШУА-ийн Хэл зохиолын хүрээлэнгийн Хэрэглээний хэл шинжлэлийн салбарт Эрдэм шинжилгээний дэд ажилтнаар ажиллаж байгаа Х. Гэндэнпил оролцож, санал, зөвлөгөөг өглөө.
Тайлангаа хэлэлцүүлсэн оюутан судлаачид, судалгааны ажлын сэдвүүд:
- МУИС-ийн ШУС-ийн ХУС-ын Багш, Монгол хэл, уран зохиол хөтөлбөрийн IV курсийн оюутан Г. Гансувд
““МӨ-“ ЯЗГУУРТ БҮЛЭГ ҮГИЙН ТУХАЙД”
- МУИС-ийн ШУС-ийн ХУС-ын Багш, Монгол хэл, уран зохиол хөтөлбөрийн III курсийн оюутан Ч. Өнөрзаяа
“МОНГОЛ И И ЮЙ ТОЛЬ БИЧИГ”-ИЙН НЭМЭЛТ ДЭВТРИЙГ ХАРЬЦУУЛАХ НЬ”
- МУБИС-ийн НХУС-ийн Монгол хэл, уран зохиолын багшийн IV курсийн оюутан З. Хишигбаяр
“МОНГОЛ ХЭЛЭН ДЭХ ГАДААД ҮГИЙН ХӨӨМИЙН ЭГШГИЙН ДУУДЛАГА, АВИАНЫ ХУВЬСАЛ (АНГЛИ ОРОС ХЭЛНИЙ ЖИШЭЭГЭЭР)”
- МУБИС-ийн НХУС-ийн Монгол хэл, уран зохиолын багшийн IV курсийн оюутан С. Цэлмүүн
“ТОРГУУД АМАН АЯЛГУУНЫ ЭГШИГ АВИАГ ТУРШИЛТ АВИА ЗҮЙН АРГААР СУДЛАХ НЬ
- МУБИС-ийн НХУС-ийн Монгол хэл, уран зохиолын багшийн I курсийн оюутан Г. Лхагванаран
“МОНГОЛ ХЭЛНИЙ ТЭМДЭГ НЭР БҮТЭЭХ ТӨСӨӨТ ДАГАВРЫН ТУХАЙ”
- МУБИС-ийн НХУС-ийн Монгол хэл, уран зохиолын багшийн III курсийн оюутан Г. Энхжин
“ЦАХИМ ОРЧИН ДАХЬ ХЭЛНИЙ ХЭРЭГЛЭЭНИЙ АВИА ХУВЬСАХ ҮЗЭГДЛИЙГ СУДЛАХ НЬ”
Тайлангийн хэлэлцүүлэгт оролцож, асуулт асуун ярилцаж, санал, зөвлөгөөгөө бичгээр болон амаар өгсөн Х. Гэндэнпил болон оюутнууддаа талархлаа илэрхийлж, судалгааны ажилд нь амжилт хүсье.
Мэдээ бичсэн: Т. Батбямба
2026. 04. 1616:40
